| छायाचित्र आंतरजालावरून |
महागलेय जीवन,
पण स्वस्तही इथे बरंच काही आहे
कोण म्हणतं महागाई वाढते आहे?
स्वस्त इथे खून,
स्वस्त लोकांचे जीव
आणि स्त्रीभ्रूणही इथे कचऱ्यात आहेत,
कोण म्हणतं महागाई वाढते आहे?
स्वस्त आता अत्याचार,
स्वस्त झालीये लुटालूट,
बलात्कारालाही बघे इथे आहेत
कोण म्हणतं महागाई वाढते आहे?
स्वस्त आहे भ्रष्टाचार,
पुढारी तो लाचार,
घोटाळे तर न मोजणेच इष्ट आहे
कोण म्हणतं महागाई वाढते आहे?
लाखोंची डोनेशनं, करोडोंची लाच
दारू नि बायांचा नंगानाच
नैतिकता मात्र महागते आहे....
तिथेच तर महागाई वाढते आहे....



